ALAMIN NATIN ANG BUHAY NI JAY MANALO NGAYON

ALAMIN ANG BUHAY NI JAY MANALO NGAYON

 

Si Jay Manalo o si Jay Lan Manalo sa totoong buhay ay isinilang noong January 30, 1976 sa Saigon, South Vietnam. Siya ay isang Filipino-Vietnamese actor at model. Bagaman isinilang siya sa South Vietnam ay lumaki siya sa Tondo, Maynila. Ang kanyang ama ay si Eustaquio Manalo na isang Filipino musician nanaka base sa Vietnam noong Vietnam war  at ang kanyang ina ay isang Vietnamese.

 

Matapos na Manalo si Jay bilang 1^st runner up ng SM Man of the Year ay naging model at endorser siya ng Blowing Bubbles.

Nakilala si Jay sa pelikulang Brat Pack noong 1994 at kalaunan ay naging lead character sa ikalawang pelikulang Paracale Gang na ipinalabas noong 1996 at sinundan ng Urban Rangers.

 

Sa ganun ding taon ay lalong nakilala si Jay noong siya ay gumanap ng mga sexy roles sa pelikulang Gayuma kasama si Amanda Page. Dahil sa kanyang looks at appeal sa publiko ay naging larawan siya ng mga sexy movies noon sa ating bansa. Ilan sa mga sumunod pang pelikulang kanyang ginawa ay Totoy Mola, Kool Ka Lang, Kaliwa’t Kanan, Sakit sa Katawan, Bayad Puri, Bawal ng Halik at Balahibong Pusa.

 

Dahil sa tinataglay na gandang lalaki ay anim ang babaeng nagmahal kay Jay Manalo. Mula sa anim na babaeng kanyang minahal ay nagkaroon siya ng labindalawang mga anak.

 

Sa ngayon ay namumuhay ng masaya si Jay Manalo at ng kanyang asawang si Raizza kasama ang kanyang limang anak.

 

Sa kwento ni Jay sa kanyang interview kay Aster Amoyo ay nakakasama naman niya ang kanyang iba pang mga anak mula sa lima pang babaeng kanyang minahal. Katunayan ay nagsasama sama pa anya ang kanyang mga anak tuwing nagdiriwang siya ng kanyang kaarawan.