KILALANIN ANG MGA ANAK NI GARY ESTRADA

KILALANIN ANG MGA ANAK NI GARY ESTRADA

 

Si Gary Jason B. Ejercito o mas kilala natin bilang si Gary Estrada ay ipinanganak noong Mayo 16, 1971. Siya ay isang artistang gumaganap sa telebisyon at mga pelikula sa Pilipinas. Naging Board Member din siya ng ikalawang distrito ng Quezon mula noong June 2010 hanggang 2016.

 

Si Gary ay kapatid ng isa pang dating Viva Star na si Kate Gomez. Pamangkin siya ng dating pangulong Joseph Estrada.

 

Siya ay dating nakakontrata sa Viva Films kung saan nakagawa siya ng mahigit dalawang dosenang pelikula. Ilan sa mga peliklang kinabilangan niya ay El Presidente, Sa Piling ng mga Belyas, You and Me Against the World at Gising na si Adan.

 

Naging aktibo rin siya sa mga palabas sa telebisyon gaya ng The Stepdaughters, Alyas Robin Hood, Carmela, at sa Paraiso Ko’t Ikaw.

 

Minsan na rin siyang na-link kay Donita Rose at ngayon ay may sarili ng pamilya. Kasal siya kay Bernadette Allyson mula noong 2001 at nagkaroon sila ng apat na anak. Tatlo ang babae at isa ang lalaki. Narito’t kilalanin natin ang kanilang mga anak.

 

 

1. Kiko Estrada

Si Kiko ay isa ring magaling na aktor gaya ng kanyang ama. Ipinanganak siya noong hunyo 4, 1995. Siya ay nasa 25 taong gulang na.

 

Si Kiko ay hindi lamang nagtataglay ng magandang itsura ngunit nagtataglay rin ng mga nakakabilib na mga talento. Ito ang dahilan sa likod ng kanyang katanyagan at tagumpay.

 

Nagsimula siya sa telebisyon noong taong 2011. Simula noon, hindi pa siya nawawalan ng papel sa telebisyon o pelikula. Walang alinlangan na ang mga tagahanga ni Kiko ay gustong malaman ang mahika sa likod ng kanyang tagumpay.

 

Una siyang nag-aral sa Colegio San Agustin. Nang matapos niya ang kanyang high school, nag-aral siya sa College of St. Benild. Napunta si Kiko sa showbiz industry dahil na rin sa kanyang mga  magulang. Si Kiko ay anak ni Gary Estrada sa dating partner nitong si Cheska Diaz  na kapatid naman ni Joko Diaz.

 

Mula 2015 ay tatlong babae ang napabalitang naging kasintahan ni Kiko. Kabilang rito ay sina Kim Rodriquez noong 2015, Barbie Forteza noong 2016, at noong 2018 naman ay kay Devon Seron.

 

 

2. Garielle Bernice Ejercito

Totoo nga ang kasabihang kung ano ang puno ay siya rin ang bunga. Dahil kitang -kita kay Icee ang gandang namana niya sa kanyang mga magulang. Mahilig si Icee sa paglalaro ng softball. Sa katunayan noong nag guest siya sa show ni Regine Velasquez na Sarap Diva ay ipinakita niya sa kanyang mga manonood kung paano siya humawak ng baseball bat.

Lubos na ikinatuwa ng mga netizens at televiewers ang napakagandang mukha ng dalaga na pinaghalong mukha ni Garry at ng ina nitong si Bernadette.

Mas close si Icee sa kanyang amang si Gary dahil sa ito ang madalas na kasama niyang maglaro ng softball. Halos nakuha naman daw umano ni Icee ang karamihan sa katangian ng kanyang ama.

 

Nagtapos si Icee ng kanyang Grade 10 sa Saint Pedro Poveda College noong 2018 at ngayong taon ay nasa kolehiyo na ito.

 

3. Garianna Beatrice Ejercito at Gianna Bettina Ejercito

Sina Garianna at Gianna ang dalawa pang anak na babae ni Garry at  Bernadette. Gaya ng kanilang ate Icee ay kakikitaan din ng mga magagandang mukha ang dalawa na totong kinagigiliwan rin ng mga netizen kahit sa sila ay nasa kanilang mga kabataan pa lamang.

 

Hilig ng pamilya ang mga travel sa iba’t-ibang lugar gaya ng pagbisita nila sa Bohol, Boracay, at maging sa ibang bansa gaya ng Paris.