ALAMIN
NATIN ANG BUHAY NI DANTE VARONA NGAYON
Si Dante Varona ay isinilang noong September 06, 1953 at
siya ay nasa 69 na taong gulang na sa kasalukyan.Siya ay dating actor at film
director at itinuring siyang isa sa pinaka sikat na actor mula 1970 hanggang
1980 kasama sa pagsikat ng mga actor na sina Fernando Poe Jr., dating Pangulong
Joseph Estrada, Jun Aristorenas, Ramon Revilla at marami pang ibang action
star.
Nagsimula si Dante Varona sa paggawa ng pelikula noong
ginawa niya ang Magnificent Siete Bandidas noong 1968. Naging lead actor din
siya sa mga pelikulang Stuntman noong 1970, Leon Dimasuil noong 1973 at Gulapa
noong 1977 kasama si Ramon Revilla.
Sumikat ng husto si Dante Varona dahil sa kayang pagtalon
sa San Juanico Bridge sa Samar, Leyte para sa pelikulang Hari ng Stunt noong
1981.
Kabilang sa mahigit 100 pelikula na ginawa pa ni Dante ay
Hari ng Stunt, Ermitaño, Kung Tawagin Siya’y Bathala, at The Raging Anger at
Bangkay Mo Akong Hahakbangan.
Ngayon ay hindi na napapanood sa pelikula at mga palabas
pan telebisyon ang Hari ng Stunt. Kaya’t ang tanong ng marami sa kanyangmga
tagahanga ay nasaan na ngayon si Dante Varona?
Matapos iwan ang showbiz at lumipat sa Amerika si Dante
Varona. Ikinuwento ng dating sikat na action star na nagtrabaho siya doon
bilang janitor at security guard sa nasabing bansa.
Ayon sa tunay na Dante Varona, iniwan niya ang showbiz
dahil nagkagulo sa movie industry kung saan pinasok din niya ang pagpo-produce
ng pelikula.
Kwaento niya, dahil sa maliit lamang siyang producer ng
pelikula ay nadaganan ang kanyang mga booking sa pelikula.
Sa kanyang pagdating sa Amerika ay may nakilala anya siyang
may-ari ng janitorial services at doon ay pumasok siya bilang janitor. Matapos
ang ilang taon niyang pagtatrabaho bilang janitor ay nalipat siya sa pagiging
secury personnel hannga sa siya ay mag retiro.
Sa ngayon, kampante na si Dante sa kaniyang simpleng buhay
sa Amerika kasama ang kaniyang pamilya at mayroon na rin siyang mga apo.
Hindi na rin daw niya hinahanap-hanap ang pag-aartista. Katunayan,
may mga kababayan daw na gumawa ng pelikula na kinukuha siya pero tinatanggihan
niya.
Pero pag-amin ni Dante, gaya ng hindi niya inaasahang na
magiging artista siya, hindi niya rin daw inaasahan na maninirahan siya sa
Amerika.
